احنا فى رمضان... وطبعا كلنا متابعين بشغف شديد، مسلسل الدالى... امبارح وحدة صحبتى قالتلى انه مستوحى من شخصية حقيقية... عثمان أحمد عثمان... دفعنى الفضول انى أبحث فى النت عن الراجل ده؛ علشان أشوف أوجه الشبه بينه وبين الدالى... اكتشفت فعلا انه كان وزير لسنين كتيرة، وانه مؤسس كيان اقتصادى كان الأضخم مابين الستينات والتمانينات... علاقته الوطيدة بالرئيس السادات وعلاقاته الدولية... اتأكدت انه مصدر وحى كاتب المسلسل...
وبعدين لقيتنى على صفحة من Wikipedia بتتكلم عن مجموعة من أشهر رجال الأعمال المصريين أهو:
ttp://http://ar.wikipedia.org/wiki/%D8%AA%D8%B5%D9%86%D9%8A%D9%81:%D8%B1%D8%AC%D8%A7%D9%84_%D8%A3%D8%B9%D9%85%D8%A7%D9%84_%D9%85%D8%B5%D8%B1%D9%8A%D9%88%D9%86
المهم... قلت لنفسى: فرصة ممتازة علشان أتعرف على الناس الى خايلننا فى المسلسلات والبرامج... واللى احنا مفروسين منهم علشان المذيعين والصحفيين بيقولولنا انهم بيسرقونا ويفقرونا وهما سبب وكستنا وخيبتنا و جوعنا و عنوستنا، بسبب اعطاء الأولوية لمصالحهم فوق أى اعتبار...
ولم أتوقف غير لما خلّصت على كل الأسامى اللي فى اللستة المعروضة على الموسوعة و كمان links تانية كانت موجودة علشان آخد صورة كاملة وموضوعية، ههىء... ان أمكن، عن ال tycoons بتوع بلدنا!
وعينك ماتشوف الا النور... مافيش ابن لذين من الباشوات بتوعنا الا و غازل حواليه شبكة عنكبوت من المناصب السياسية و الألقاب اللى تخض... عضو مجلس شعب، شورى، رئيس أمانة معرفش ايه، ولا زعيم مادرك ايه؛ جوع وتعطش غير طبيعى للسلطة و العلاقات المحلية و الدولية مع أسامى جامدة موووووووووووت....
طب سيبك من دة وخش عالأتقل: جاسوسية، واصولية، وقلب نظام حكم، تجارة سلاح، مغنيات وراقصات و"نائبات فاتنات"... وأوقات.. أميرات وأمهات أولياء عهد، قتل وانتحار وموت فى حوادث غامضة وفلوس ومؤامرات ، قضايا فساد ورشوة واستغلال نفوذ.... بهدلة... يعنى كتاب المسلسلات لو اشتغلوا على رجال الأعمال بس... هيعملوا أحلى سبوبة، و يطلعوا عشرميت مسلسل فى السنة...
وبصوا بقة... أخر صفحة فتحتها كانت بتاعت "محمود العربى"، أكيد شفتوه فى ال10 مساء... تخيلوا بقة ان الراجل ده هو الوحيد اللى قصته لا فيها عك ولا هرجلة ولا تكلف، ولا تطلعات سياسية جوفاء، عمياء، عرجاء... ببساطة... الرجل دة قصة كفاح مصرية نقية، واضحة، قوية جدا وبسيطة جدا! ابتدا بياع فى محل فى الموسكى وهو عيل صغير، وكبر فى العمر وفى التجارة... وبقى businessman جامد جدا... بس روعته هى انه لسة محتفظ ببساطة ونقاوة قصته... و كأنه بيدى الأمل لكل مصرى انه يكررها... بيشتغل، يكسب، وبيفتح بيوت وبيزكى... ومع كل خطوة بيكبر فى عالم الأعمال وفى عيون الناس... و الجميل بقة ياجماعة انه لما اترجوه يلعب لعبة السياسة... ماستحملش... دخل مجلس الشعب وخرج يس.... ااااااا... خرج يؤكد انه لم يخلق لهذا... وانه راجل تاجر وكفى!!!!
وكفاه فخرا أنه بذا اكتفى... ياريت دة يعلم كل واحد يركز فى أكل عيشه، ويسيب دور الوصاية والزعامة والخلافة للى فاهمه... أو دارسه... أوحتى وارثه!
وبعدين لقيتنى على صفحة من Wikipedia بتتكلم عن مجموعة من أشهر رجال الأعمال المصريين أهو:
ttp://http://ar.wikipedia.org/wiki/%D8%AA%D8%B5%D9%86%D9%8A%D9%81:%D8%B1%D8%AC%D8%A7%D9%84_%D8%A3%D8%B9%D9%85%D8%A7%D9%84_%D9%85%D8%B5%D8%B1%D9%8A%D9%88%D9%86
المهم... قلت لنفسى: فرصة ممتازة علشان أتعرف على الناس الى خايلننا فى المسلسلات والبرامج... واللى احنا مفروسين منهم علشان المذيعين والصحفيين بيقولولنا انهم بيسرقونا ويفقرونا وهما سبب وكستنا وخيبتنا و جوعنا و عنوستنا، بسبب اعطاء الأولوية لمصالحهم فوق أى اعتبار...
ولم أتوقف غير لما خلّصت على كل الأسامى اللي فى اللستة المعروضة على الموسوعة و كمان links تانية كانت موجودة علشان آخد صورة كاملة وموضوعية، ههىء... ان أمكن، عن ال tycoons بتوع بلدنا!
وعينك ماتشوف الا النور... مافيش ابن لذين من الباشوات بتوعنا الا و غازل حواليه شبكة عنكبوت من المناصب السياسية و الألقاب اللى تخض... عضو مجلس شعب، شورى، رئيس أمانة معرفش ايه، ولا زعيم مادرك ايه؛ جوع وتعطش غير طبيعى للسلطة و العلاقات المحلية و الدولية مع أسامى جامدة موووووووووووت....
طب سيبك من دة وخش عالأتقل: جاسوسية، واصولية، وقلب نظام حكم، تجارة سلاح، مغنيات وراقصات و"نائبات فاتنات"... وأوقات.. أميرات وأمهات أولياء عهد، قتل وانتحار وموت فى حوادث غامضة وفلوس ومؤامرات ، قضايا فساد ورشوة واستغلال نفوذ.... بهدلة... يعنى كتاب المسلسلات لو اشتغلوا على رجال الأعمال بس... هيعملوا أحلى سبوبة، و يطلعوا عشرميت مسلسل فى السنة...
وبصوا بقة... أخر صفحة فتحتها كانت بتاعت "محمود العربى"، أكيد شفتوه فى ال10 مساء... تخيلوا بقة ان الراجل ده هو الوحيد اللى قصته لا فيها عك ولا هرجلة ولا تكلف، ولا تطلعات سياسية جوفاء، عمياء، عرجاء... ببساطة... الرجل دة قصة كفاح مصرية نقية، واضحة، قوية جدا وبسيطة جدا! ابتدا بياع فى محل فى الموسكى وهو عيل صغير، وكبر فى العمر وفى التجارة... وبقى businessman جامد جدا... بس روعته هى انه لسة محتفظ ببساطة ونقاوة قصته... و كأنه بيدى الأمل لكل مصرى انه يكررها... بيشتغل، يكسب، وبيفتح بيوت وبيزكى... ومع كل خطوة بيكبر فى عالم الأعمال وفى عيون الناس... و الجميل بقة ياجماعة انه لما اترجوه يلعب لعبة السياسة... ماستحملش... دخل مجلس الشعب وخرج يس.... ااااااا... خرج يؤكد انه لم يخلق لهذا... وانه راجل تاجر وكفى!!!!
وكفاه فخرا أنه بذا اكتفى... ياريت دة يعلم كل واحد يركز فى أكل عيشه، ويسيب دور الوصاية والزعامة والخلافة للى فاهمه... أو دارسه... أوحتى وارثه!
هناك 6 تعليقات:
ايوة
انا مش متابع مسلسلات خالص
عموما مش بحبها اوى
هى تامر وشوقية بس
بس من كام يوم كنت قاعد مع شلتى
وهما متابعين الدالى ده اوى
وكانو بيقولو نفس الكلام
بس بيقولو عثمان احمد عثمان ما تعرضش للاغتيال
تحياتى لاسلوبك المشوق اللذيذ
احمد
هو فعلا محمود العربى من الناس اللى بيعملوا فى صمت بدون ضجة اعلامية اللهم الا اعلانات منتجاته
وفعلا مسلسل الدالى مستوحى من عثمان احمد عثمان بس لو سالتى اى حد من المسلسل هايقولك لا ولا لينا علاقة خااالص
عايزك تقرى بوست كتبته عن الجزء الاول من المسلسل السنة اللى فاتت
بعنوان
عثمان أحمد عثمان .. هتعيشوا حياتكم بالمجان
أيوة يا شيرين
تقريبا البوست ده كان بداية معرفتى بشمعى اسعد
معاكي حق والله ياشيرين
مافيش حد من الناس دي تلاقيه نظيف مية في المية
مهما كان كويس الفلوس بتغير البني ادمين
يالله ربنا يسترها علينا ويكفينا شر الفلوس
تحياتي علي الاسلوب الممتع
أنا سعيدة بمعرفتكم انتوا الاتنين يا شمعى ويا صباغ... وميرسى أوى يا منامينو... انتوا رجالة والله... صباغ... مبروك عالبنوتة الجديدة... خدت وقت شوية على مافهمت ان مخلولة دى يعنى بنت أختك... عقبال المأبوبة.. يعنى بنتك!
انت صديق عزيز جدا يا صباغ
وبشكر البوست لو كان هو السبب
وميرسى ليكى يا شيرين
انا كمان مبسوط جدا بمعرفتك
إرسال تعليق